आधारभूमि संवाददाता
काठमाडौँ, ११ असोज
नेपालमा कोरोना सङ्क्रमणबाट थप १० जनाको मृत्यु भएको छ । स्वास्थ्य तथा जनसङ्ख्या मन्त्रालयले आज गरेको नियमित पत्रकार सम्मेलनमा मन्त्रालयका प्रवक्ता डा जागेश्वर गौतमले पछिल्लो २४ घण्टामा नेपालमा थप १० जनाको कोरोना सङ्क्रमणबाट मृत्यु भएको जानकारी दिए ।मृत्यु हुनेमा ९ पुरुष र १ महिला रहेका छन्।
मृत्यु हुनेमध्ये महिलामा काठमाडौंकी ५० वर्षिय र पुरूषमा बाराका २० वर्षिय,ललितपुरका ४४/७७ वर्षिय दुई ,काठमाडौंका ६१/६२ वर्षिय दुई, रुपन्देहीका ७२ वर्षिय, बर्दियाका ६३/५० वर्षिय दुई र अछामका ३४ वर्षिय पुरुष रहेका छन्।
यससँगै नेपालमा कोरोना भाइरसका कारण मृत्यु हुनेको सङ्ख्या ४७७ पुगेको छ । यसअघि शनिबार कोरोना भाइरसका कारण ८ जनाको मृत्यु भएको थियो।
