आधारभूमि संवाददाता
काठमाडौं, असोज १०
नेपाल विद्युत प्राधिकरणका अनुसार अहिले दैनिक बिजुलीको माग ९ सय मेगावाटको हाराहारीमा छ भने देशभित्रका आयोजनाबाटै ११ सय मेगावाट बराबरको बिजुली उत्पादन गर्न सकिन्छ । माग भन्दा उत्पादन बढि भएपछि केहि आयोजना चलेकै छैनन् भने केहि कम क्षमतामा चलेका छन् ।
तर, प्राधिकरणमा कुुुसल नेर्तत्व कुलमान घिसिङको अभावका कारण अहिले देशमा माग भन्दा बढि बिजुली भएपनि जनताले भने पटक पटक बिजुली जाने समस्या बेहोर्नु परेको छ ।
बिहिबार इमाडोल, ग्वार्काे, नैकाप तथा मुस्ताङमा बिजुली गएको थियो । यस्तै बुधबार खोकनामै रुख ढलेका कारण बुङमती , छम्पी, चुनीखेल र खोकनामै लाइन गएको थियो । कुलमान प्राधिकरणमा हुँदा उनि विद्युत समस्या भएको क्षेत्रमा आफै पुग्थे । जसका कारण समयमै समस्या समाधान हुन्थ्यो ।
नियमित वर्षाका कारण विद्युत प्रसारणमा समस्या आएपछि बिहिबार विद्युत प्राधिकरणले १ सय १० मेगावाटको कुलेखानी जलविद्युत आयोजना नै चलाएन । अर्थात यसबाट देशमा माग भन्दा बढि विद्युत उपलब्ध छ भन्ने प्रष्ट हुन्छ,। तर , उचित नेर्तत्वको अभावले स्रोत उपलब्ध भएपनि जनता सुविधाबाट बञ्चीत भएका छन् ।
माग भन्दा बढि विद्युत उत्पादन भएपनि झ्याप्प झ्याप्प लाइन जादा फेरी लोडसेडिङ हुन लागेको हो कि भन्ने कैयनमा आशंका बढेको छ । तर , प्राधिकरण भने वर्षाका कारण विद्युत आपुर्ति प्रणालीमा समस्या आएकाले बिजुली गएको र लोडसेडिङ गर्नुपर्ने अवस्था नरहेको बताउँछ ।
प्राधिकरणले लाइन जानुको कारणबारे समयमै जनतालाई जानकारी गराउन सकेन । प्राविधिक समस्याका कारण विजुली जानी गरिरहेको भएपनि प्राधिकरणले त्यसका बारेमा भने समयमै जानकारी गराउन सकेको छैन ।
पानी परेपछि इन्सुलेटर , जम्परहरुबाट पनि बिजुली लिकेज भएकाले ठाउँठाउँमा बिजुली काट्न परेको छ । गुणस्तरीय विद्युतीय सामाग्री नभएकाले पनि विद्युत लिकेज भएको हो । विद्युत लिकेज भएपछि सिस्टमले नै त्यो क्षेत्रको विद्युत प्रवाह बन्द गर्छ ।
प्राधिकरणले भारतबाट पनि बिजुली आयात गर्न सक्छ । अहिले देशमै बिजुली बढि भएकाले बरु भारत तिरै बिजुली बेचिरहेको छ । वर्षातको समयमा नदिनाला बढेकाले आयोजनाहरुबाट उत्पादन हुने बिजुली पनि बढिरहेको छ । तर पनि जनताले भने झ्याप्प लाइन जाने र आउने समस्या भोग्नु परेको छ ।
