आधारभूमि संवाददाता

काठमाडौ, ८ असोज

सुनको मूल्यमा आज पनि गिरावट आएको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला रु १२०० ले घटेको छ ।

स्थानीय बजारमा आज छापावाल सुनको मूल्य प्रतितोला रु ९३ हजार १०० मा झरेको छ । बुधवार पनि छापावाल सुनको मूल्य प्रतितोला १२०० ले घटेर रु ९४ हजार ३०० मा कारोबार भएको थियो । महासङ्घले आजका लागि तेजाबी सुनको मूल्य प्रतितोला रु ९२ हजार ६०० तोकेको छ ।

आज महासङ्घले चाँदीको मूल्य प्रतितोला रु ११ सय २० तोकेको छ ।मंगलबार चाँदी प्रतितोला रु ११ सय ९० मा कारोबार भएको थियो ।