काठमाडौ, कात्तिक १९
सानिमा बैंकले बचत कर्ताहरुका लागि स्वास्थ्यपरिक्षण तथा बीमा सुरक्षण सुविधा सहितको सानिमा दीर्घायु बचत खाता तथा सानिमा दीर्घायु तलब खाता ल्याएको छ । यो योजना अन्तर्गत बैंकले तोकेका अस्पतालहरुवाट ग्राहकले रु. ५ हजारको बार्षिक स्वास्थ्य परिक्षण सुविधा लिन सकिने छ । साथै, नेपाल र भारतमा हुने उपचारमा रु. १ लाख सम्मको औषधि उपचार बीमा सुविधा लिन सकिने छ । त्यसै गरी, यदी ग्राहकको दुर्घटना भई मृत्यु वा कुनै अंग स्थायी रुपमा असक्षम भएमा एकमुष्ठ २० लाख बीमा रकम दावी गर्न सकिने छ ।
यस बाहेक ग्राहकलाई ६ घातक रोगहरुको रक्षावरण सहितको तीन लाख रुपैया बीमा तथा २५ हजार रुपैयाँको मृत्यु लाभ हुने बीमा बैंकले गरी दिने छ । बंैकले आफ्ना ग्राहकहरुका लागि उपयुक्त हुने बिभिन्न योजनाहरु समयानुकुल रुपमा प्रदान गर्दै आइरहेको छ । बंैकको हाल ७९ वटा शाखा, एउटा एक्सटेन्सन काउन्टर तथा ७५ वटा ए.टि.एम मार्फत बित्तीय सेवा उपलब्ध गराउँदै आएको छ ।
