आधारभूमि संवाददाता

काठमाडौ, ७ असोज

सुनको मूल्यमा आज पनि गिरावट आएको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला रु १२०० ले घटेको छ ।

स्थानीय बजारमा आज छापावाल सुनको मूल्य प्रतितोला रु ९४ हजार ३०० मा झरेको छ । मंगलबार छापावाल सुनको मूल्य प्रतितोला १७०० ले घटेर रु ९५ हजार ५०० मा कारोबार भएको थियो । महासङ्घले आजका लागि तेजाबी सुनको मूल्य प्रतितोला रु ९३ हजार ८०० तोकेको छ ।

आज महासङ्घले चाँदीको मूल्य प्रतितोला रु ११ सय ९० तोकेको छ ।मंगलबार चाँदी प्रतितोला रु १२ सय ३० मा कारोबार भएको थियो ।