आधारभूमि संवाददाता
काठमाडौं, भदौ ३०
ललितपुर महालक्ष्मी नगरपालिकाका मेयर रामेश्वर श्रेष्ठलाई कोरोना संक्रमण पुष्टि भएको छ ।
मेयर श्रेष्ठले आफ्नो फेसबुक वाल मार्फत आफूलाई कोरोना भाइरस संक्रमण भएको जानकारी दिएका हुन् र आफ्नो सम्पर्कमा रहेका माहानुभाबहरुलाइ एकपटक परिक्षण गर्न अनुरोध गरेका छन् ।
मेयर श्रेष्ठलाई थप उपचारका लागि ललितपुर स्थित किस्ट अस्पतालमा लगिएको र स्वास्थ स्तिथी सामान्य रहेको महालक्ष्मी नगरपालिकाका स्वास्थ शाखाका डा. रमिन महर्जनले आधारभूमिलाई जानकारी दिए ।
विश्व महामारीकोरुपमा फैलिएको कोरोना भाइरसलाई हाम्रो नगरमा फैलन नदिन, नियन्त्रण र रोकथाम गरी नगरबासीलाई सुरक्षित राख्न निरन्तररुपमा खटिरहँदा म आफैं कोरोना भाइरसबाट संक्रमित भई हाल उपचाररत रहेको जानकारी गराउँदै यो रोगलाई छिटै जितेर पुनः नगरलाई सुरक्षित बनाउने अभियानमा निरन्तर जुट्ने छु,’ मेयर श्रेष्ठले भनेका छन् ।
