आधारभूमि संवाददाता

काठमाडौं, २९ भदौ

सुनको मूल्यमा आज सामान्य वृद्धि भएको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला रु ४०० ले वृद्धि भएको छ ।

आइतबार तोलामा रु ९६ हजार ५०० मा कारोबार भएको सुनको मूल्य आज प्रतितोला रु ४०० बढेर रु ९६ हजार ९०० रुपैयाँमा कारोबार भएको छ र तेजाबी सुनको मूल्य प्रतितोला रु ९६ हजार ४०० तोकेको छ । आइतबार तेजाबी सुन प्रतितोला रु ९६ हजार मा खरिद बिक्री भएको थियो ।

आज चाँदीको मूल्य प्रतितोला रु १० ले वृद्धि भएको छ । आज महासङ्घले चाँदीको मूल्य प्रतितोला रु १ हजार ३ सय २० तोकेको छ । आइतबार चाँदी तोलामा रु १ हजार ३ सय १० रुपैयाँमा कारोबार भएको थियो ।