आधारभूमि संवाददाता
काठमाडौं, भदौ २७
विश्वभर महामारकिो रूपमा फैलिएको कोरोना सङ्क्रमितको सङ्ख्या अमेरिकामा ६६ लाख ७६ हजार भन्दा बढी पुगेको छ ।
नेपाली समय आइतबार बिहान १०:०० बजे सम्म अमेरिकामा ६६ लाख ७६ हजार ६०१ जना व्यक्ति कोरोना सङ्क्रमित भएका छन् ।
चीनको वुहानमा कोभिड–१९ सङ्क्रमण फैलिएको गत वर्षको अन्त्यतिर सार्वजनिक भएको भएपनि अमेरिकामा पहिलो सङ्क्रमित विरामी जनवरी २१ मा भेटिएको थियो । अमेरिकामा आइतबारसम्म एक लाख ९८ हजार १२८ व्यक्तिको कोरोना सङ्क्रमणबाट मृत्यु भएको छ । सङ्क्रमितमध्ये हालसम्म ३९ लाख ५० हजार ५४ व्यक्ति कोरोना मुक्त भएका छन् ।सङ्क्रमितमध्ये १४ हजार ३६६ जनाको अवस्था गम्भीर रहेको जनाइएको छ ।
अमेरिकापछि बढी सङ्क्रमण भारतमा ४७ लाख भन्दा बढीमा सङ्क्रमण देखिएको छ भने तेस्रो धेरै सङ्क्रमित सङ्ख्या ब्राजिलमा झण्डै ४३ लाख भन्दा बढी सङ्क्रमित भएका छन् ।
स्रोत : वर्ल्डोमीटर
