आधारभूमि संवाददाता
काठमाडौँ,२५ भदौ
नेपालमा कोरोना सङ्क्रमणबाट थप ५ जनाको मृत्यु भएको छ । स्वास्थ्य तथा जनसङ्ख्या मन्त्रालयले आज गरेको नियमित पत्रकार सम्मेलनमा मन्त्रालयका प्रवक्ता डा जागेश्वर गौतमले पछिल्लो २४ घण्टामा नेपालमा थप ५ जनाको कोरोना सङ्क्रमणबाट मृत्यु भएको जानकारी दिए ।मृत्यु हुनेमा १ महिला र ४ पुरुष रहेका छन्।
मृत्यु हुनेमध्ये काठमाडौँकी ५५ वर्षीय महिला र पुरूषमा काठमाडौंका ५९ र ८३ वर्षीय, चितवनका ६२ वर्षीय र कपिलवस्तुका २९ वर्षीय रहेका छन् ।
यससँगै नेपालमा कोरोना भाइरसका कारण मृत्यु हुनेको सङ्ख्या ३ सय १७ पुगेको छ ।
