आधारभूमि संवाददाता

काठमाडौं, २५ भदौ

सुनको मूल्यमा आज पनि वृद्धि भएको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला रु ४०० ले वृद्धि भएको छ ।

बुधवार तोलामा रु ९६ हजार ४०० मा कारोबार भएको सुनको मूल्य आज प्रतितोला रु ४०० बढेर रु ९६ हजार ८०० रुपैयाँमा कारोबार भएको छ र तेजाबी सुनको मूल्य प्रतितोला रु ९६ हजार ३०० तोकेको छ । बुधवार तेजाबी सुन प्रतितोला रु ९५ हजार ९०० मा खरिद बिक्री भएको थियो ।

आज चाँदीको मूल्य प्रतितोला रु १० ले वृद्धि भएको छ । आज महासङ्घले चाँदीको मूल्य प्रतितोला रु १३ सय २५ तोकेको छ । बुधवार चाँदी तोलामा रु १३ सय १५ रुपैयाँमा कारोबार भएको थियो ।