काठमाडौ, भदौ १९
नेपाली सेनाले भूजी खोलाको बाढीपहिरोमा हराईरहेकाहरुको खोज तथा उद्धार कार्य जारी राखेको छ । सेनाले यही भदौ १७ गते बाग्लुङ जिल्लाको ढोरपाटन नगरपालिकाको ७, ८, र ९ वडाको तटीय वस्तीमा भूजी खोलाको बाढीमा परिहराइरहेका व्यक्तिहरुको नेपाली सेनाको खोज तथा उद्धार टोलीले खोजी कार्य जारी राखेको हो ।
नेपाली सेनाको श्री अर्जुणवाण गणको खोज तथा उद्धार टोलीले सशस्त्र प्रहरी बल नेपाल, नेपाल प्रहरी, स्थानीय वासिन्दालगायत अन्य निकायहरुको सहयोगमा हालसम्म १४ जनाको शव फेला पारेको छ । उक्त पहिरोमा परि हराइरहेका २४ जनाको खोजी कार्य जारी राखेको सेनाले जनाएको छ । सेनाले शुक्रबार सेनाको एमआई १७ हेलिकप्टरद्वारा उपप्रधानमन्त्री तथा गृहमन्त्री राम बहादुर थापाबाट वस्तुस्थिति अवलोकन तथा अत्यावश्यक राहत सामग्री ढुवानी गरिएको जानकारी दिएको छ ।
हाल उक्त स्थानमा स्थानीय प्रशासन, सशस्त्र प्रहरी बल नेपाल, नेपाल प्रहरी, स्थानीय वासिन्दालगायत अन्य निकायहरुसँग निरन्तर समन्वय र सहकार्य गरी नेपाली सेनाका ३० जना खोज तथा उद्धार कार्यमा खट्टिइरहेको समेत सेनाले जानकारी दिएको छ ।