आधारभूमि संवाददाता

काठमाडौं, २६ साउन

नेपाली बजारमा आज सुनको मूल्य प्रतितोला १ लाख २ हजार ४०० मा रुपैयाँमा कारोबार भएको छ ।

नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला रु २०० ले घटेको हो । महासङ्घका अनुसार आज छापावाला सुनको मूल्य प्रतितोला रु १ लाख २ हजार ४०० र तेजाबी सुनको मूल्य प्रतितोला रु १ लाख १ हजार ९०० मा कारोबार भएको छ । आइतबार छापावाला सुनको मूल्य प्रतितोला रु १ लाख २ हजार ६०० मा र तेजाबी सुनको मूल्य प्रतितोला रु १ लाख २ हजार १०० मा कारोबार भएको थियो ।

आज चाँदीको मूल्य प्रतितोला रु १५ ले घटेको छ । आज महासङ्घले चाँदीको मूल्य प्रतितोला रु १३ सय ९५ तोकेको छ । आइतबार चाँदीको मूल्य प्रतितोला रु १४ सय १० मा कारोबार भएको थियो ।