भक्तपुर, साउन २०
भक्तपुर विकास समितिका पूर्व अध्यक्ष एवं समाजसेवी कृष्णलाल प्रधानले भक्तपुरको नासमनास्थित श्यामसुन्दर भजन मण्डलको निर्माण सम्पन्न भजन घरका लागि ३५ हजार बराबरको र्भुइमा ओछ्याउने कार्पेट सहयोग गरेका छन् ।
भक्तपुर नगरपालिका वडा नं ४ नासमनास्थित नासमना भजन मण्डलको उक्त भजन घरमा ओछ्याउनका लागि आवश्यक कार्पेट दाता प्रधानले सहयोग गरेका हुन् । उक्त कार्पेट सहयोगप्रति भजनमण्डल पुननिर्माण उपभोक्ता समितिका अध्यक्ष डा इन्दुल केसीले दाता प्रधानलाई धन्यबाद व्यक्त गरे ।
भजनघरको पुननिर्माण सम्पन्न भइसकको छ । तर भजन घर हस्तान्तरण भने हुन सकेको छैन । भजन घर हस्तान्तरण नहुँंदै छानाबाट पानी चुहिने तथा भ¥र्याङ नमिलेका कारण हस्तान्तरणमा ढिलाई भइरहेको जनाइएको छ । साथै ऐतिहासिक भजन घरको भुईतल्लाका पसल कवलहरुमा पसलेहरुले सिमेन्ट प्रयोग गरेका कारण पनि भजन घर विवादमा तानिएको छ । परापूर्वकालदेखि पसल बहालमा रहेका पसलेहरुले आआफनो पसलमा नियम विपरित सिमेन्टको प्रयोग गरी प्याष्टर गरेका थिए ।
भजनघर पुननिर्माणको क्रममा पूरै भत्काउँंदा उठेर गएका उनीहरुले भजनघरको पुननिर्माण सम्पन्न नहुँंदै पसल कवल तयार भएपछि बस्न थालेका थिए । उनीहरुले त्यस क्रममा आआफनो पसल कवलमा नियमविपरित प्लाष्टर गरेका थिए ।
ऐतिहासिक भजन घरको पुननिर्माण सम्पन्न गरी हस्तान्तरण नहुँंदै छानाबाट पानी चुहिनु, भ¥र्याङ नमिल्नु, नियमविपरित पसल कवलमा सिमेन्टको प्रयोग गरी प्लाष्टर गर्दासमेत सरोकारवालाईहरुलाई कारवाही गर्न ढिलाई भएकोप्रति स्थानीय जनता आश्चार्यचकिट छन् ।
