काठमाडौ, साउन १८
नेपाल पत्रकार महासंघका पूर्वकेन्द्रीय सदस्य तथा हुम्ला शाखाका संस्थापक सभापति अग्रज पत्रकार जयबहादुर रोकायाको निधन भएकोे दुःखद् खवरले नेपाल पत्रकार महासंघ स्तब्ध र दुःखी भएको जनाएको छ । ६२ वर्र्षीय रोकायाको साउन १७ गते साँझ ५ः०० बजे हुम्लाको सिमकोट गाउँपालिका–५ कालिञ्चोकस्थित निवासमा निधन भएको हो ।
महासंघका अनुसार वि.सं. २०५० सालदेखि पत्रकारितामा सक्रिय रोकायले लामो सयम कान्तिपुर दैनिकमा कार्य गर्नु भएको थियो । हुम्ला जिल्ला र समग्र कर्णाली क्षेत्रमा व्यावसायिक पत्रकारिताको विकासका लागि उल्लेख्य योगदान पु¥याउनु भएका रोकायाको निधनले नेपाली पत्रकारिता क्षेत्रले एक अनुभवी र जुझारु पत्रकार गुमाउनुका साथै हुम्ला शाखाले असल अभिभावक गुमाएको छ । स्वर्गीय रोकायाका दुई श्रीमती, चार छोरा र एक छोरी रहेकाछन ।
नेपाल पत्रकार महासंघ स्वर्गीय रोकायाप्रति हार्दिक श्रद्घाञ्जली अर्पण गदै दिवंगत आत्माको चिरशान्तिको कामना गर्दछ । साथै, शोकको यस घडीमा महासंघ शोकसन्तप्त परिवारजनमा धैर्यधारण गर्ने शक्ति प्राप्त होस भन्ने कामना गर्दै गहिरो समवेदना व्यक्त गर्दछ , महासंघले बिज्ञप्ती मार्फत भनेको छ ।