आधारभूमि संवाददाता

काठमाडौं, साउन १८

नेपाली बजारमा सुनको मूल्य आज पनि नयाँ उचाइमा पुगेको छ । शुक्रबार प्रतितोला ९९ हजार ३०० मा कारोवार भएको पहेंलो धातुमा आज रु ३०० ले वृद्धि भएको छ । आज छापावाल सुनको मूल्य प्रतितोला रु ९९ हजार ६०० कायम भएको छ भने सोही परिमाणको तेजाबी सुनको मूल्य रु ९९ हजार १६० निर्धारण गरिएको छ । शुक्रबार तेजाबी सुन रु ९८ हजार ८६५ मा कारोवार भएको थियो ।

आज चाँदीको मूल्य रु ३० रुपैयाँले वृद्धि भएको छ । चाँदी प्रतितोला रु १२ सय ३० मा कारोवार भएको महासंघले जनाएको छ । शुक्रबार चाँदी तोलामा रु १२ सयमा कारोबार भएको थियो ।