भक्तपुर, साउन १६
चाँगुनारायण नगरपालिका ९ फैढोकास्थित सरोज थापाको कुखुरा पालनकालागि बनाएको टहरामा तास खेलिरहेको अवस्थामा भक्तपुर कमलबिनायक बस्ने काभ्रे मण्डनदेउपुर नगरपालिका ५ घर भएका ३९ वर्षीय सागर लामिछाने लगायत ९ जनालाई नगद ३ लाख ३८ हजार ३ सय ३५ रुपैयाँ र ९ बुक ताससहित बिहीबार दिउँसो प्रहरीले पक्राउ गरेको छ ।
महानगरीय प्रहरी परिसर भक्तपुरबाट खटिएको प्रहरीले उनीहरुलाई तास खेलिरहेको अवस्थामा फेला पारी पक्राउ गरेको हो । यस सम्बन्धमा प्रहरीले थप अनुसन्धान गरिरहेको जानकारी दिएको छ ।
