आधारभूमि संवाददाता

काठमाडौं, साउन १३

नेपाली बजारमा सुनको मूल्य आज पनि नयाँ उचाइमा पुगेको छ । सोमबार प्रतितोला ९७ हजार ५०० मा कारोवार भएको पहेंलो धातुमा आज रु ७०० ले वृद्धि भएको छ । आज छापावाल सुनको मूल्य प्रतितोला रु ९८ हजार २०० कायम भएको छ भने सोही परिमाणको तेजाबी सुनको मूल्य रु ९७ हजार ७६० निर्धारण गरिएको छ ।

सुनको मूल्य बढेसँगै आज चाँदीको मूल्य पनि ३५ रुपैयाँले वृद्धि भएको छ । चाँदी प्रतितोला १२ सय ४५ पुगेको महासंघले जनाएको छ । सोमबार चाँदी तोलामा १२ सय १० रुपैयाँमा कारोबार भएको थियो ।