काठमाडौं, साउन १०
काठमाडौं महानगरपालिका ११ त्रिपुरेश्वरस्थित सडकबाट विभिन्न प्रकारका रंगीन ढुंगाहरु देखाई ठगी गर्न खोजेको अभियोगमा २ जनालाई बिहीबार प्रहरीले पक्राउ गरेको छ ।
पक्राउ पर्नेहरुमा काठमाडौ तारकेश्वर नागरपालिका १० बस्ने खोटाङ जन्तेढुंगा गाउँपालिका ४ घर भएका २१ वर्षीय अर्जुन अधिकारी र काठमाडौं तारकेश्वर नगरपालिका ११ नेपालटार बस्ने नुवाकोट लिखु गाउँपालिका ५ घर भएका ३४ वर्षीय राजेन्द्र विश्वकर्मा रहेका छ्न् ।
सार्वजनिक सडकमा उक्त ढुंगाहरु देखाई सर्वसाधरणलाई ठगी गर्ने उद्देश्यले विक्री वितरणका लागि हिँडिरहेको भन्ने खबर प्राप्त हुनासाथ खटिएको प्रहरीले उनीहरुलाई पक्राउ गरेको हो ।
यस सम्बन्धमा थप अनुसन्धान भइरहेको महानगरीय प्रहरी परिसर काठमाडौंमा शुक्रबार आयोजित पत्रकार सम्मेलनमा जानकारी दिइयो ।
