आधारभूमि संवाददाता
काठमाडौं, साउन ७
सुनचाँदीको मूल्य आज फेरि बढेको छ । नेपाल सुनचाँदी महासंघले सुनको मूल्य हालसम्मकै उच्च रहेको जानकारी दिएको छ । महासंघका अनुसार आज एकैदिनमा छापावाल सुन प्रतितोला १३०० रुपैयाँले बढेर ९४ हजार पुगेको छ । मंगलबार छापावाल सुन प्रतितोला रु ९२ हजार ७०० मा कारोवार भएको थियो ।
आज तेजावि सुनको मूल्य प्रतितोला ९३ हजार ५६० निर्धारण भएको छ । मंगलबार तेजाबी सुन प्रतितोला रु ९२ हजार २६० मा कारोवार भएको थियो ।
सुनको मूल्य बढेसँगै आज चाँदीको मूल्य पनि ९५ रुपैयाँले वृद्धि भएको छ । चाँदी प्रतितोला ११ सय ३५ पुगेको महासंघले जनाएको छ । मंगलबार चाँदी तोलामा रु ४० ले बढेर १०४० रुपैयाँमा कारोबार भएको थियो ।
यस अघी गत असार २५ गते सुनको मूल्य बढेर हाल सम्मकै उच्च विन्दुमा पुगेको थियो ।
