आधारभूमि संवाददाता

काठमाडौं, ४ साउन

सुनको मूल्यमा आज सामान्य बृद्धि भएको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला रु ३०० ले बढेको छ ।

स्थानीय बजारमा आज छापावाल सुनको मूल्य प्रतितोला रु ९२ हजार ५०० र तेजाबी सुनको मूल्य प्रतितोला रु ९२ हजार ६५ मा कारोबार भएको छ । शुक्रबार छापावाला सुनको मूल्य प्रतितोला रु ९२ हजार २०० र तेजाबी सुनको मूल्य प्रतितोला रु ९१ हजार ७६० मा कारोबार भएको थियो ।

आज चाँदीको मूल्य पनि प्रतितोला रु १० ले बढेको छ । आज महासङ्घले चाँदीको मूल्य प्रतितोला रु १००५ तोकेको छ । शुक्रबार चाँदी प्रतितोला रु ९९५ मा कारोबार भएको थियो ।