काठमाडौ, असार ३१
दुुई वटा कम्पनी बिरुद्ध तीन अर्ब ८२ करोड रुपैयाँ बिगो सहित राजश्व अनुसन्धान बिभागले मुुद्धा दायर गरेको छ । भन्सार, मुल्य अभिबृद्धि कर र आयकर राजस्व चुहावटको कसुरमा काठमाडौको सोह्खुट्टेमा रहेको हाईटेक इन्टरनेशनल प्राली र ललितपुरको सानेपामा रहेको जे.एस.एस.मोबाईल एण्ड सर्भिसेज कम्पनीका संचालक, प्रोप्राईटर तथा मुख्य अभियुक्तहरुबाट ३ अर्व ८२ करोड विगो असुल उपर गरी जरिवाना र कैद सजाय समेत हुन मागदावी लिई आज बुुधबार उच्च अदालत पाटनमा मुद्दा दर्ता गरिएको बिभागले जनाएको छ ।
बिभागका अनुसार काठमाडौ महानगरपालिका वडा नं. ज्ञठ सोह्रखुट्टेमा संचालनमा रहेको स्थायी लेखा नम्वर ३०५०३७८९५ रहेको हाईटेक ईन्टरनेशनल प्रा.लि.का संचालक समेत २ जनालाई राजस्व चुहावट गरेको अभियोगमा दुुई अर्व ४२ करोड ९८ लाख विगो कायम गरी उक्त विगो असुल उपर गरी जरिवाना र कैद सजाय समेत हुन मागदावी लिई मुुद्धा दायर गरिएको हो । यसैगरी स्थायी लेखा नम्वर ३०४४९२ भएको जे.एस.एस. मोबाईल एण्ड सर्भिसेज प्रा.लि., स्थायी लेखा नम्वर ६०१०९५०१६ भएको श्याम इम्पेक्स र स्थायी लेखा नम्वर ६०१०९५०२९ भएको श्याम बाबा इन्टरप्राइजेजका संचालक र प्रोप्राईटर तथा मुख्य कारोबारी समेत चार जनालाई राजस्व चुहावट गरेको अभियोगमा एक अर्व ३९ करोड सात लाख विगो कायम गरी उक्त विगो असुल उपर गरी जरिवाना र कैद सजाय समेत हुन मागदावी उच्च अदालत पाटनमा मुुद्धा दायर गरिएको बिभागले जनाएको ।
