आधारभूमि संवाददाता
काठमाडौं, असार २८
इटालियन सिरि ‘ए’ मा शीर्ष स्थानको युभेन्ट्स एटलान्टासंग बराबरीमा रोकिएको छ। शनिबार राति घरेलु मैदानमा भएको खेलमा युभेन्ट्सले एटलान्टासंग २ – २ गोलको बराबरी खेल्दै अंक बाँढेको हो ।
खेलमा युभेन्टसकोलागि क्रिस्टियानो रोनाल्डोले दुई गोल गरेका हुन्। रोनाल्डोले दुवै गोल पेनाल्टीमा गरेका थिए । एटलान्टाकोलागि डुवन जापाटा र रुस्लान मालिनोवस्कीले एक एक गोल गरे ।
खेलमा पहिलो अग्रता एटलान्टालेनै लिएको थियो । खेलको १६ औँ मिनेटमा एटलान्टाका डुवन जापाटाले गोल गर्दै टोलीलाई अग्रता दिलाएका थिए। क्रिस्टियानो रोनाल्डोले ५५ औं मिनेटमा पेनाल्टीमा गोल गर्दै युभेन्टसका लागि बराबरी गोल फर्काए ।
खेलको ८० औं मिनेटमा एटलान्टाका रुस्लान मालिनोवस्कीले गोल गर्दै २-१ को अग्रता दिलाए । त्यसपछि खेलको ९० औं मिनेटमा क्रिस्टियानो रोनाल्डोले पेनाल्टीमा व्यक्तिगत दोस्रो गोल गर्दै खेल बराबरीमा ल्याए र युभेन्ट्सलाई हारबाट जोगाए ।त्यसपछि कुनै गोल हुन सकेन र खेल बराबरीमा रोकिएको हो । २८ लिग खेलमा रोनाल्डोको यो २८ औँ गोल हो ।
बराबरीसंगै युभेन्ट्सले दोश्रो स्थानको लाजियोसंग ८ अंकको अग्रता बनाएको छ । युभेन्टसको ३२ खेलबाट ७६ अंक छ । समान खेल खेलेको लाजियोको ६८ अंक सहित लिगको दोश्रो स्थानमा छ। तेश्रो स्थानमा रहेको एलेटिको म्याड्रिडको समान खेलबाट ६७ अंक छ।
