काठमाडौं, ९ कार्त्तिक
गैर आवासीय नेपाली संघ (एनआरएन) का अध्यक्ष कुमार पन्तसहितको प्रतिनिधि मण्डल संघीय संसदको राज्य व्यवस्था तथा सुशासन समितिका सभापति माननीय शशी श्रेष्ठबीच भेटवार्ता भएको छ । संघका अनुुसार शुुक्रबार सिंहदरबारमा भएको भेटमा संघका नवनिर्वा्चित अध्यक्षसहित पदाधिकारीको स्वागत गरिएको थियो ।
भेटका क्रममा विशेषगरी, गैरआवासीय नेपाली नागरिकताका विषयमा छलफल भएको थियो । सभापति श्रेष्ठले गैरआवासीय नेपाली नागरिकता सम्बन्धि संविधानमा भएको व्यवस्थालाई व्यवहारमा कार्यन्वयन गर्ने चरणमा रहेको र सो सम्बन्धि विद्येयक संसदमा हाल विचाराधिन रहेको स्मरण गराए । विधेयकमा नागरिकता सम्बन्धि अन्य केही विवादहरु भएपनि गैरआवासीय नेपाली नागरिकता सम्बन्धि विषय भने विवाद नभएको उनको भनाई थियो ।
आउँदो हिउँदे अधिवेशनमा सो विद्येयक पारित हुनेमा उनले विश्वास दिलाए । विद्येयक पारित भएलगत्तै कानून निर्माणको चरणमा प्रवेश गर्ने भएकाले त्यस सम्बन्धमा आफ्नो सल्लाह सुझाव उपलब्ध गराउन समेत आग्रह गरे ।
भेटमा संघबाट अध्यक्ष कुमार पन्त, उपाध्यक्षहरु डा. बद्री के. सी., मन के. सी. तथा सोनाम लामा, प्रमुख कार्यकारी अधिकृत डा. हेमन्त दवाडी र पुर्व सचिव डीबी. क्षेत्री लगायतको उपस्थिति थियो ।
