आधारभूमि संवाददाता
काठमाडौं, जेठ १४
लामो समयदेसख बन्द भएको सेयर बजार यो साता देखि खुल्ने भएको छ । सोमबारदेखि बजार खोल्ने धितोपत्र बोर्डको तयारी छ । साथै बजार घटबढ भएपनि आन्दोलन नगर्ने लगानीकर्ताले बोर्डसँग शुक्रबार प्रतिबद्धता जनाएका छन् ।
जेठमा बजार खोल्नका लागि बजार खुल्ने सिमा देखि सर्किट ब्रेकका समेत नियमहरु परिवर्तन भएका थिए । तर अब भने बजार पुरानै समयतालिका र सर्किट नियमअनुसार खुल्ने भएको छ ।
लकडाउनका समयमा दुई प्रतिशत भन्दा नेप्से परिसुचक घटबढ भएमा बजार गर्ने व्यवस्था गरिएको थियो । तर अब भने बजार पुरानै नियम अनुसार पहिलो घन्टामा चार प्रतिशतभन्दा बढिले घटबढ भएमा १५ मिनेट , १२ बजेपछि ५ प्रतिशत भन्दा बढिले घटबढ भएमा आधा घन्टा र ६ प्रतिशत भन्दा बढिले तलमाथि भएमा दिनभर बजार बन्द हुने व्यवस्था कायम गरिने भएको छ ।
साथै बजार पनि ११ बजेदेखि ४ बजेसम्म खुला राख्ने तयारी छ । यसअदिन लकडाउनको बिचमा खुलेको बजार दिनमा २ घन्टा मात्रै कारोबार हुन्थ्यो ।
बजार निरन्तर घटेपनि आन्दोलन नगर्ने भनेर शुक्रबार बोर्ड समक्ष लगानीकर्ताले समेत प्रतिबद्धता जनाएका छन् ।
लकडाउन सुरु भएपछि झन्डै दुई महिना बन्द भएको सेयर बजार जेठ ३० र ३१ गते खुलेको थियो । दिनमा २ घन्टा मात्रै कारोबार हुनेगरि खोलिएको सेयरबजारमा नेप्से परिसुचक दुई दिन निरन्तर २५ अकंले घटेपछि धितोपत्र बोर्डले नेप्सेलाई पुन बजार बन्द गर्न निर्देशन दियो । त्यसपछि बिस्तारै बजारमा चहलपहल बढ्यो, तर सेयरबजार भने बन्द नै रह्यो । यसपछि भने लगानीकर्ता तथा ब्रोकरले धितोपत्र बोर्डको आलोचना गर्न थाले ।
यसैबिच असार ६ गतेपछि पनि पुन बजार अनिश्चीत समयका लागि बन्द गर्ने निर्णय भएपछि बोर्डको चौतर्फि आलोचना भएको थियो । बजार तत्काल खोल्न नचाहने बोर्डले केहि दिन लम्ब्याउन र बजार के कसरी खोल्न सकिन्छ भनेर अध्ययन गर्नका लागि गत मंगलबार एक समिति गठन गर्याे । समितिले प्रतिबेदन तयार पारीसकेको छ तर बोर्डलाई भने अझै बुझाएको छैन । समितिले आगामी सोमबार देखि बजार खोल्नका लागि सुझाव दिएको छ ।
बजार निरन्तर बन्द भएपछि अर्थमन्त्रालयले समेत यसमा चासो राखेको थियो । त्यसपछि बोर्ड यसमा तातेको छ । तर अब लकडाउन भएपनि फेरी बजार गर्नु भने उचित हुँदैन ।
