आधारभूमि संवाददाता
काठमाडौ, असार १३
पछिल्लो २४ घण्टामा थप ५५४ जनामा कोभिड–१९ का सङ्क्रमित थपिएका छन् । स्वास्थ्य मन्त्रालयका प्रवक्ता प्रा डा जागेश्वर गौतमले देशभरिका विभिन्न प्रयोगशालामा गरिएको परीक्षणका क्रममा आज जम्मा ५५४ जनाको पिसिआर पोजेटिभ आएको जानकारी दिए ।
योसँगै संक्रमितको कूल संख्या १२ हजार ३०९ पुगेको छ भने सङ्क्रमणबाट निको भइ २८३४ जना घर फर्किसकेका छन् । पछिल्लो २४ घण्टामा ११८ जना पुरुष र १८ जना महिला गरि १३६ जना कोरोनामुक्त भएका छन् । मन्त्रालयकाअनुसार नेपालका सबै ७७ जिल्लामा नै संक्रमित भेटिएका छन् ।
