काठमाडौ, असार ११
संकटको घडिमा नीजि क्षेत्रमाथि त्रासको वातावरण खडा गर्ने सरकारी प्रयास विवेकहीन भएको राप्रपाले जनाएको छ । राप्रपाले बिज्ञप्ती जारी गर्दे भनेको छ, आज देश ठूलो आर्थिक संकट र बेरोजगारीको भूमरीमा परेको छ । यस्तो अवस्थामा देशको नीजि क्षेत्रको मनोवल बढाई साथ लिएर संकटसँग जुध्ने सरकारी रणनीति हुनुपर्ने हो । तर यसको ठिक विपरित अख्तियार दुरुपयोग अनुसन्धान आयोगको कार्यक्षेत्र बारे तर्जुमा गरिएको नयाँ विधेयकमा अख्तियारले नीजि क्षेत्र माथि कारवाही गर्न पाउने प्रावधान प्रस्ताव गरिएको छ । देशको अर्थव्यवस्था माथि आएको यस संकटको घडिमा नीजि क्षेत्रमाथि त्रासको वातावरण खडा गर्ने सरकारी प्रयास विवेकहीन र गलत छ । अतः यो प्रावधान अगाडि वढाउनुु हुुदैन, राप्रपाले भनेको छ ।
यस बर्ष नेपालमा कृषिको लागि पर्याप्त बर्षा हुने अनुमान छ । अतः यो स्थितिको फाइदा उठाउन समयमै मल किसानले पाउनु पर्दछ । तर देशमा मलको हाहाकार छ र उत्पादन बृद्धि गर्ने मौकाबाट किसानहरु बञ्चित हुँदैछन् । नेपाल सरकारले मल पु¥याउन सकेको छैन । यो स्थितिमा अविलम्ब सुधार गरियोस् र किसानहरुलाई मलको व्यवस्था गरियोस राप्रपाका त्रय अध्यक्ष पशुपती शमसेर जबरा, डा.प्रकाशचन्द्र लोहनी र कमल थापाद्धारा हस्ताक्षरित बिज्ञप्तीमा भनिएको छ ।
