आधारभूमि संवाददाता

काठमाडौ, असार १०

नेपालमा पछिल्लो २४ घण्टामा ११४ जनाले कोरोना जितेका छन् । स्वास्थ्य तथा जनसङ्ख्या मन्त्रालयले आज गरेको नियमित पत्रकार सम्मेलनमा मन्त्रालयका प्रवक्ता डा जागेश्वर गौतमले विभिन्न अस्पतालबाट ११४ जना डिस्चार्ज भएको बताए । डिस्चार्ज हुनेमा १०६ जना पुरुष र ८ जना महिला रहेको गौतमले बताए । यस अघि मंगलबार ७६ जना डिस्चार्ज भएका थिए।

योसहित नेपालमा डिस्चार्ज हुनेको सङ्ख्या २३३८ पुगेको छ । जसमा महिला १९७ र पुरुष २१४१ जना रहेका छन् । प्रवक्ता अनुसार हालसम्म रसुवाबाहेक सबै जिल्लामा कोरोना संक्रमण देखिएको छ ।