आधारभूमि संवाददाता

काठमाडौ, असार ४

आज थप ६७१ जनामा कोरोना भाइरसको संक्रमण पुष्टि भएको छ । स्वास्थ्य तथा जनसङ्ख्या मन्त्रालयले आज गरेको नियमित पत्रकार सम्मेलनमा मन्त्रालयका प्रवक्ता डा जागेश्वर गौतमले विभिन्न प्रयोगशालमा गरिएको परीक्षणमा ६७१ जनामा सङ्क्रमण देखिएको बताए । तीमध्ये ५९१ जना पुरुष र ८० जना महिला रहेका छन् ।

आज देखिएको सङ्क्रमण अहिलेसम्मकै सबभन्दा धेरै हो । योसँगै संक्रमितको कूल संख्या ७८४८ पुगेको छ भने सङ्क्रमणबाट निको भइ ११८६ जना घर फर्किसकेका छन् । पछिल्लो  २४ घण्टामा १९ जना पुरुष कोरोनामुक्त भएका छन्।