आधारभूमि संवाददाता

काठमाडौँ, ३ असार

आज थप ५८६ जनामा कोरोना संक्रमण पुष्टि भएको छ । स्वास्थ्य तथा जनसङ्ख्या मन्त्रालयले आज गरेको नियमित पत्रकार सम्मेलनमा मन्त्रालयका प्रवक्ता डा जागेश्वर गौतमले विभिन्न प्रयोगशालमा गरिएको परीक्षणमा ५८६ जनामा सङ्क्रमण देखिएको बताए ।

योसँगै संक्रमितको कूल संख्या ७१७७ पुगेको छ भने सङ्क्रमणबाट निको भइ ११६७ जना घर फर्किसकेका छन् । पछिल्लो  २४ घण्टामा ९ जना पुरुष कोरोनामुक्त भएका छन्।