आधारभूमि संवाददाता

काठमाडौँ, २९ जेठ

नेपालमा आज १८७ जनाले कोरोना जितेका छन् । स्वास्थ्य तथा जनसङ्ख्या मन्त्रालयले आज गरेको नियमित पत्रकार सम्मेलनमा मन्त्रालयका प्रवक्ता डा जागेश्वर गौतमले विभिन्न अस्पतालबाट १८७ जना डिस्चार्ज भएको बताए । डिस्चार्ज हुनेमा १७९ जना पुरुष र ८ जना महिला रहेको गौतमले बताए ।

योसँगै नेपालमा ८६१ जनाले कोभिड–१९ लाई जितेका छन् । तीमध्ये ७७४ पुरुष र ८७ महिला छन् । बुधवार मात्रै ९० जनाले कोरोना जितेर घर गएका छन् । त्यस्तै मृत्यु हुनेको सङ्ख्या १५ जना छ ।