आधारभूमि संवाददाता

काठमाडौँ, २५ जेठ

नेपालमा हालसम्म ४६७ जनाले कोरोना जितेका छन् । स्वास्थ्य तथा जनसङ्ख्या मन्त्रालयले आज गरेको नियमित पत्रकार सम्मेलनमा मन्त्रालयका प्रवक्ता डा विकास देवकोटाले विभिन्न अस्पतालबाट १०२ जना डिस्चार्ज भएको बताए । डिस्चार्ज हुनेमा दुई महिला र १०० पुरुष रहेको देवकोटाले बताए ।

योसँगै  नेपालमा ४६७ जनाले कोभिड–१९ लाई जितेका छन् । सङ्क्रमित बढेसँगै दैनिक कोभिड– १९ बाट निको भएर घर फर्कनेका सङ्ख्या पनि वृद्धि हुँदै गएको छ । शनिबार एकै दिन ३२ जनाले सङ्क्रमण जितेर घर फर्किका थिए भने आजै मात्र १०२ जनाले जितेर घर गएका छन् ।