काठमाडौँ, १७ जेठ

आज थप १३ जना कोरोना संक्रमणबाट मुक्त भएर घर फर्किएका छन्। स्वास्थ्य तथा जनसङ्ख्या मन्त्रालयका प्रवक्ता डा देवकोटाका अनुसार विभिन्न अस्पतालमा उपचाररत व्यक्तिहरू निको भएर घर फर्किएका हुन्। योसँगै कोरोना संक्रमणबाट निको भएर फर्किनेको संख्या २१९ पुगेको छ।

नेपालमा हालसम्म संक्रमितको कूल संख्या १४०१ पुगेको छ । आज एकै पटक १८९ संक्रमित थपिएका छन्। आज देखिएको सङ्क्रमितको सङ्ख्या अहिलेसम्मकै धेरै हो । शुक्रबार पनि १७० जनामा सङ्क्रमण देखिएको थियो । नेपालमा हालसम्म कोरोनाका कारण ६ जनाले ज्यान गुमाएका छन् ।