काठमाडौँ, ८ जेठ
नेपालमा थप ३ जनामा कोरोना संक्रमण पुष्टी भएको छ । स्वास्थ्य तथा जनसंख्या मन्त्रालयका सहप्रवक्ता डा. समिरकुमार अधिकारीका अनुसार भेरी अस्पताल ,नेपालगंज र प्रादेशिक जनस्वास्थ प्रयोगशाला , रुपन्देहीमा गरिएको परीक्षणमा नयाँ ३ जनामा कोरोना पुष्टि भएको हो।
संक्रमण हुनेमा बाकेका नरैनापुर -३ निवासी ३२ वर्षीय पुरूष ,खजुरा -३ निवासी ४२ वर्षीय महिला र कपिलवस्तु शुद्धोधन गाउँपालिका निवासी १९ वर्षीय पुरूष रहेको मन्त्रालयले जनाएको छ ।
सङ्क्रमित तिनै जनाको अवस्था सामान्य रहेको छ र उनीहरू स्वास्थ्यकर्मीका निगरानीमा रहेका छन् ।
यससँगै नेपालमा संक्रमितको संख्या ४५७ पुगेको छ भने सङ्क्रमणबाट निको भइ ४९ जना घर फर्किसकेका छन् । आजै काठमाडौँको टेकुस्थित शुक्रराज ट्रपिकल तथा सरुवा रोग अस्पतालमा उपचारत चार कोरोना भाइरस सङ्क्रमित व्यक्ति निको भई घर फर्किएका छन्।
