काठमाडौं, ३१ वैशाख
अहिले थप २४ जनामा कोरोना संक्रमण पुष्टी भएको छ । राष्ट्रिय जनस्वास्थ्य प्रयोगशाला टेकु र प्रादेशिक जनस्वास्थ्य प्रयोगशाला, रुपन्देहीमा गरिएको पुष्टी अनुसार २४ जनामा कोरोना संक्रमण पुष्टी भएको हो । संक्रमण हुनेमा रुपन्देही जिल्ला निवासी २२, २२, २५, २८, ३०, ३२, ३२, ३३ र ४१ वर्षीय पुरुषहरु, त्यस्तै ४, १०, २८ वर्षीय महिलाहरु रहेका छन् ।
त्यस्तै कपिलवस्तु निवासी २२, २९, ३२, ४०, ४०, ४० र ४२ वर्षका पुरुष छन् । त्यस्तै पर्सा निवासी ३६ र ७४ वर्षीय पुरुष छन् भने ३६ वर्षीय महिला छन् । यस्तै संक्रमित हुनेमा नवलपरासी निवासी ३६ वर्षीय पुरुष रहेको प्रयोगशालाले जनाएको छ । योसँगै नेपालमा संक्रमितको संख्या २ सय ४३ पुगेको छ ।
सङ्क्रमित सबैको स्वास्थ्य अवस्था सामान्य रहेको मन्त्रालयका सहप्रवक्ता डा समिरकुमार अधिकारीले जानकारी दिनुभयो । सङ्क्रमित सबै स्वास्थ्यकर्मीको सम्पर्कमा छन् ।
