काठमाडौं, २७ वैशाख
आज थप ७ जना कोरोना संक्रमित फेला परेका छन् । राष्ट्रिय जनस्वास्थ्य प्रयोगशाला टेकु र कोशी अस्पताल प्रयोगशाला विराटनगरमा गरिएको परिक्षण अनुसार नयाँ ७ जनाको पुष्टी भएको हो ।
संक्रमित हुनेमा उदयपुर भुल्के निवासी १८, ४५ र ६५ वर्षका महिला, कपिलवस्तु निवासी एक जना १७ वर्ष र २ जना १८ वर्षका पुरुष रहेका छन् भने अर्का संक्रमित पर्सा छपकैयाका ६२ वर्षीय पुरुष रहेका छन् । निजहरुको स्वास्थ्य अवस्था सामान्य रहेको मन्त्रालयले जनाएको छ र उनीहरू स्वास्थ्यकर्मीको सम्पर्कमा रहेका छन् ।
योसँगै नेपालमा संक्रमितको संख्या १०९ पुगेको छ भने सङ्क्रमणबाट निको भइ ३१ जना घर फर्किसकेका छन् ।
