आधारभूमी संवाददाता

वैशाख १९, काठमाडौं
थप २ जना कोरोना भाइरस संक्रमित भेटिएका छन् । रुपन्देही र बाँकेमा दुई जना कोरोना भाइरसका संक्रमित भेटिएका हुन् ।

स्वास्थ्य तथा जनसंख्या मन्त्रालयले रुपन्देहीका २५ वर्षीय र बाँकेका ६० वर्षीय पुरुषमा कोरोना संक्रमण पुष्टि गरेको छ। दुबैको अवस्था सामान्य रहेको मन्त्रालयले जनाएको छ । यस सँगै नेपालमा सङ्क्रमितको सङ्ख्या ५९ पुगेको छ भने सङ्क्रमणबाट निको भइ १६ जना घर फर्किसकेका छन् ।