काठमाडौं, ३ वैशाख
मकवानपुर, राक्सिराङ गाउँपालिका-७ धिराङस्थित मंगलबार राति चट्याङ पर्दा सोही ठाउँ बस्ने ४१ वर्षीय चैतसिंह प्रजाको घटनास्थलमै मृत्यु भएको छ ।
दार्चुला, शैल्यशिखर नगरपालिका-६ तिखेधारस्थित चट्याङ पर्दा सोही ठाउँ बस्ने बिष्णु खातीको ८ वर्षीया छोरी लक्ष्मी खातीको मंगलबार राति घटनास्थलमै मृत्यु भएको छ । साथै चट्याङ लागेर घाइते भएका सोही ठाउँ बस्ने ५५ वर्षीय भद्र सिंह खाती समेत अन्य ४ जनाको गोकुलेश्वर अस्पतालमा उपचार भइरहेको छ ।
स्याङजा, बिरुवा गाउँपालिका-५ किचनास बस्ने ३५ वर्षीया बिष्णुमाया भुजेलको चट्याङ लागेर मंगलबार साँझ मृत्यु भएको छ । चट्याङ लागेर घाइते भएकी उनको गण्डकी मेडिकल कलेज पोखरामा उपचारको क्रममा मृत्यु भएको हो । साथै चट्याङ लागेर घाइते भएका सोही ठाउँ बस्ने अन्य दुई जनाको सोही मेडिकल कलेजमा उपचार भइरहेको छ । यस सम्बन्धमा स्थानीय प्रहरीले आवश्यक अनुसन्धान गरिरहेको छ ।
