काठमाडौ, चैत ३

सुनको मूल्यमा आज सामान्य वृद्धि भएको छ । नेपाल सुनचाँदी व्यवसायी महासङ्घका अनुसार आज सुनको मूल्य प्रतितोला रु ५०० ले वृद्धि भएको छ ।

आइतबार तोलामा रु ७७ हजार मा कारोबार भएको सुनको मूल्य आज प्रतितोला रु ५०० बढेर रु ७७ हजार ५०० रुपैयाँमा कारोबार भएको छ र तेजाबी सुनको मूल्य प्रतितोला रु ७७ हजार २०० तोकेको छ । आइतबार तेजाबी सुन प्रतितोला रु ७६ हजार ७०० मा खरिद बिक्री भएको थियो ।

चाँदीको मूल्य आज स्थिर रहेको छ । महासङ्घले आजको लागि चाँदीको मूल्य प्रतितोला रु ७९० तोकेको छ । आइतबार पनि चाँदी तोलामा ७९० रुपैयाँमा कारोबार भएको थियो ।