काठमाडौँ, २ चैत

साताको पहिलो दिन आइतबार सुनको मूल्य घटेको छ । शुक्रबार तोलामा ७८ हजार ५०० मा कारोवार भएको छापावाल सुन आज १५ सयले घटेर ७७ हजारमा कारोवार भएको नेपाल सुनचाँदी व्यवसायी महासंघले जनाएको छ ।

त्यस्तै आज तेजावी सुनको भाउ पनि १५ सयले घटेर ७६ हजार ७ सयमा कारोवार भएको छ । शुक्रबार तेजावी सुन रु ७८ हजार २०० मा कारोवार भएको थियो ।

आज चाँदीको मूल्य पनि प्रतितोला रु ३० ले घटेको छ । आज महासङ्घले चाँदीको मूल्य प्रतितोला रु ७९० तोकेको छ । शुक्रबार चाँदीको मूल्य प्रतितोला रु ८२० मा कारोबार भएको थियो ।