काठमाडौँ, १९ फागुन
म्यान्चेस्टर सिटीले लगातार तेस्रो पटक काराबाओ कपको उपाधि जितेको छ । आईतबार राति भएको खेलमा म्यान्चेस्टर सिटीले एन्टन भिल्लालाई २-१ ले पराजित गर्दै लगातार तेश्रोपटक उपाधि जितेको हो ।
म्यान्चेष्टर सिटीलाई जित दिलाउन सर्जियो अगुएरोले र रोड्रीले एक एक गोल गरे । एन्टन भिल्लाको लागि समाटालेले एक गोल गरे।
खेलको २० औँ मिनेटमा सर्जियो अगुएरोले गोल गर्दै सिटीलाई सुरुवाती अग्रता दिलाएका थिए । ३० औं मिनेटमा रोड्रीले गोल गर्दै सिटीको अग्रता दोब्बर पारे । ४१ औं मिनेटमा समाताले भिल्लाको लागि एक गोल फर्काए । त्यसपछि कुनै गोल हुन सकेन र सिटीले तेस्रो पटक काराबाओ कपको उपाधि जितेको हो ।
