काठमाडौँ, १९ फागुन
एल क्लासिकोमा रियल म्याड्रिडले बार्सिलोनालाई पराजित गर्दै ला लिगाको शीर्ष स्थानमा उक्लिएको छ । आईतबार राति भएको खेलमा रियलले बार्सिलोनालाई २–० गोलले पराजित गरेको हो।
रियलको जितमा भिनिसियस जुनियर र मारिनोले एक एक गोल गरे । पहिलो हाफ गोल रहित बराबरीमा सकिएको खेलमा रियलले दुवै गोल दोस्रो हाफमा गरेको थियो ।
७१ औं मिनेटमा भिनिसिअस जुनियरले गोल गर्दै रियललाई सुरुवाती अग्रता दिलाए । अतिरिक्त समयको दोश्रो मिनेटमा मारिनोले गोल गर्दै रियलको जीत सुनिश्चित गरे ।
जितपछि जारी लिगमा रियल मड्रिड शीर्ष स्थानमा उक्लिएको छ ा रियलको २६ खेलबाट ५६ अंक छ । पराजित बार्सिलोना समान खेलबाट ५५ अंक सहित लिगको दोश्रो स्थानमा झरेको छ।
