चितवन, १० फागुन (रासस)
भ्रमण वर्षको अवसरमा भरतपुर घुम्ने निम्तो दिँदै भरतपुर महानगरपालिकाले आज कार ¥यालीको आयोजना गरेको छ । भरतपुरबाट लुम्बिनीसम्म कार ¥यालीको आयोजना गरिएको हो । नारायणी नदी किनारमा चितवन क्षेत्र नं।२ का प्रतिनिधिसभा सदस्य कृष्णभक्त पोख्रेल, प्रदेशसभा सदस्य घनश्याम दाहाल, विजय सुवेदी र महानगर प्रमुख रेनु दाहालले संयुक्तरुपमा ¥यालीको शुभारम्भ गर्नुभएको हो ।
¥यालीमा १५४ कार सहभागी भएका प्रमुख दाहालका प्रेस सल्लाहाकार सुरेशचन्द्र अधिकारीले जानकारी दिनुभयो । ¥यालीमा सहभागीलाई लुम्बिनी सांस्कृतिक नगरपालिकाले स्वागत गर्ने छ । ¥यालीलाई गैँडाकोट नगरपालिका, बुटवल उपमहानगरपालिका लगायतका स्थानीय तहले स्वागत गरेका थिए ।
महानगर प्रमुख दाहालले लुम्बिनी घुम्न आउने पर्यटकलाई भरतपुर महानगरका पर्यटकीय गन्तव्यमा आकर्षण गर्ने उद्देश्यले प्रचारप्रसार गर्न ¥यालीको आयोजना गरिएको जानकारी दिनुभयो । ¥यालीमा जनप्रतिनिधि, उद्योगि व्यवसायी, पत्रकार, पर्यटन व्यवसायीलगायत पाँच सयभन्दा बढिको सहभागिता रहेको जनाइएको छ ।
महानगरभित्र २९ मुख्य पर्यटकीय गन्तव्य पहिचान गरिएको छ । मेघौली, पटिहानी, बीसहजारी ताल, देवघाटधाम, ज्ञानेश्वरब्लक र नारायणी नदीबीच मोडेल तथा चौकी डाँडा महानगरका प्रमुख सात केन्द्र रहेका छन् । सङ्घीय सरकारको १०० गन्तव्यमा सूचीकृत बीसहजारी ताल, पटिहानी तथा बागमती प्रदेश सरकारको १० पर्यटकीय गन्तव्यमध्ये सूचीकृत मेघौंली पनि महानगरभित्रै पर्दछ ।
महानगरले पर्यटन प्रबद्र्धनका लागि चालु आर्थिक वर्षमा ३२ कार्यक्रम गर्ने योजना बनाएकामध्ये हालसम्म १० कार्यक्रम सम्पन्न भइसकेका प्रमुख दाहालले जानकारी दिनुभयो । भ्रमण वर्षलाई लक्षित गर्दै महानगरभित्र रहेका पर्यटकीय होटलमा विशेष छुटको कार्यक्रमसमेत सुरु गरिएको छ ।
