गुल्मी, १० असोज
गुल्मी उद्योग वाणिज्य संघले लुम्विनी भ्रमण वर्षको अवसरमा रुपन्देहीको सिद्धार्थनगर नगरपालिकासँग सहकार्य गरेर गुल्मी जिल्लाको धार्मिक र पर्यटकिय क्षेत्रका फोटो प्रदर्शनी गोरखपुर सम्म गर्ने भएको छ । वाणिज्य संघले पत्रकार सम्मेलन गरि संघका अध्यक्ष श्रीप्रसाद भलामीले यस्तो जानकारी गराएका हुन् । उनले भने, “लुम्बिनी भ्रमण वर्षको अवसरमा गुल्मीका धार्मिक र पर्यटकिय क्षेत्र विश्वभर चिनाउने उद्देश्यका साथ कार्तिक १६ गते देखि २२ गते सम्म गुल्मी उद्योग वाणिज्य संघको सभाहलमा फोटो प्रर्दशनी गर्ने छौँं र त्यस प्रदर्शनीमा उत्कृष्ट प्रथम , द्धृतिय तृतिय र सन्तवान पुरस्कार प्राप्त फोटाहरु खोरखपुर सम्म प्रदर्शनीका लागि राखिने छ ।
उनले उद्योग वाणिज्य संघले फागुन १६ गते देखि २५ गते सम्म चौथो गुल्मी महोत्सव गर्ने प्रस्ताव अगाडी सारेको पनि जानकारी गराए । त्यस महोत्सवमा उत्कृष्ट फोटो प्रदर्शनी र लुम्विनी आएका पर्यटकहरुलाई पनि भित्राउने प्रयास गरिने जानकारी दिए ।
संघका महासचिव ताराप्रसाद भुसालले ओझेलमा परेका गुल्मीका धार्मिक र पर्यटकिय क्षेत्रको तस्वीर पत्रकार वा अन्य ब्यक्तिले खिचेर संघको कार्यालयमा उपलब्ध गराउँदै प्रतिस्पर्धामा सहभागी हुन अपिल गरे । उत्कृष्ट तीन वटा नगद पुरस्कार मात्र होईन ती फोटाहरु बिक्रि गरेर आउने रकम समेत सम्बन्धीतलाई दिईने महासंघका अध्यक्ष श्रीप्रसाद भलामीले बताए ।
