आधारभूमी संवाददाता
काठमाडौ, फागुुन ५
ललितपुरको महालक्ष्मी नगरपालिका वडा नं ७ स्थित नारायण आधारभुत प्रा. वि का शिक्षक नन्द प्रसाद निरौला आफ्ना १७ जना छात्रालाई यौन दुव्र्यवहार गरेको आरोपमा पक्राउ परेका छन् । तर उनी विरुद्ध उजुरी नपरेको कारण मुद्दा दर्ता हुन भने सकेको छैन ।
सो प्रा. वि.मा एक बर्ष देखि कर्यरत नन्द प्रसाल निरौलाले छात्रहरुलाई जिस्काउने , संवेदनशिल अंगमा छुने गरेको भन्दै १७ जना छात्राहरुले उनलाई कारवाही होस् भनी स्कूलका प्रिन्सीपललाई निवेदन दिएका थिए ।
तर स्कूलले यौन दुव्र्यवहारको आरोप लागेका निरौला विरुद्ध अहिलेसम्म उजुरी नदिएको महानगरिय प्रहरी प्रभाग सातदोबाटोका डिएसपी मित्रबन्धु शर्माले वताए ।
आरोपी निरौला प्रहरुीको नियन्त्रणमा रहेको तर स्कूलले वा पीडित छात्राका अभिभावले उजुरी नदिएसम्म मुद्दा दर्ता हुन नसक्ने उनले जनाकारी दिए । उनले भने पीडितको तर्फबाट अभिभावकले उजुरी गरिदिनुपरयो अनि मात्र प्रहरीले थप अनुसंन्धान र कारवाही गर्न सकिन्छ ।
सो विद्यालयकी प्रिन्सीपल सविता सिलवालले उजुरी दिने कि नदिने भनेर स्कूलमा छलफल भैरहेको बताइन् । आरोपी निरौलाले राजनीतिक आडमा उजुरी नगर्न धम्की दिएको स्रोतले बताएको छ । स्कूल व्यवस्थापन समितिका अध्यक्ष रामेश्वर कार्कीले यस विषयमा केह प्रतिकृया नदिने वताए । कार्की पूर्व जनप्रतिनिधी हुन् ।
आरोपी शिक्षक निराला विरुद्ध यस अघि पनि पाटन उच्च मा।वि र कालिका मा। वि लामाटारका छात्राहरूलाई यौन दुव्र्यवहार गरेको आरोप लागेको थियो ।
