काठमाडौँ, १५ माघ

एस्टन भिल्ला कारावाओ कपको फाइनलमा प्रवेश गरेको छ। गएराति भएको सेमिफाइनलको दोस्रो लेगमा एस्टन भिल्लाले लेष्टर सिटीलाई २-१ गोल अन्तरले पराजित गर्दै समग्रमा ३-२ को जितसहित भिल्ला फाइनलमा पुगेको हो ।

एस्टन भिल्लाको जितमा माट टारगेट र ट्रेजीग्वेटले एक–एक गोल गरे । १२औं मिनेटमा माट टारगेटले ज्याक ग्रियालिसको पासमा गोल गर्दै भिल्लालाई सुरुआती अग्रता दिलाए । ७२ औं मिनेटमा केलीची इहान्चोले गोल गर्दै बराबरी गोल फर्काए । दोस्रो हाफको इन्जुरी समयमा ट्रेजेगुएटले गोल गर्दै भिल्लाको जित सुनिश्चित पारे । सो गोल ट्रेजेगुएटले अहमेदले अल महामादीको पासमा गरेका थिए । यस अघि पहिलो लेगमा दुवै टोलीले १-१ गोलको बराबरी खेलेका थिए ।

अब फाइनलमा भिल्लाको भेट म्यानचेटर सिटी तथा म्यान्चेस्टर युनाइटेडबीचको खेलको विजेतासँग हुनेछ। यी दुई टोलीबीच सेमिफाइनलको दोस्रो लेग आज राति हुनेछ । पहिलो लेगमा सिटी ३-१ ले अघि रहेको छ ।