कास्की, माघ १२

पोखरा महानगरपालिका २७ रिठेपानी बस्ने ४० वर्षीय जितु शाहीलाई २२ बोर राइफलमा प्रयोग हुने २९ राउण्ड गोली सहित आइतबार बिहान प्रहरीले पक्राउ गरेको छ ।

पोखरा विमानस्थलबाट यति एयरको उडानद्वारा काठमाडौंतर्फ आउन लागेका शाहीले बोकेको झोला एक्सरे मेशिनमा जाँच गर्ने क्रममा उक्त गोली फेला पारी प्रहरीले पक्राउ गरेको हो । यस सम्बन्धमा प्रहरीले आवश्यक अनुसन्धान गरिरहेको जानकारी दिएको छ ।