काठमाडौँ, १० माघ
एथ्लेटिको म्याड्रिड कोपा डेल रेमा तेस्रो डिभिजन क्लब कल्चरल लियोनेसासँग पराजित भएको छ ।
बिहीबारराति भएको खेलमा एथ्लेटिको म्याड्रिड लियोनेसासँग २-१ ले पराजित भएको हो। एट्लेटिको मड्रिड २०११ पछि पहिलो पटक तेस्रो श्रेणीको क्लबसँग पराजित भएको हो ।
खेलमा पहिलो अग्रता भने एथ्लेटिको मड्रिडलेनै लिएको थियो। पहिलो हाफ बराबरीमा सकिएपछि खेलको दोस्रो हाफमा एथ्लेटिकोका स्ट्राइकल एन्जल कोरेयाले ६२ औँ मिनेटमा टोलीलाई अग्रता दिलाएका थिए । तर, त्यो लामो समय टिकेन । जुलेन कास्टेनेदाले लिओनेसाका लागि ८२ औं मिनेटमा बराबरी गोल फर्काए ।
त्यसपछि अतिरिक्त समयको १०८ औँ मिनेटमा लेओनेसाको सर्जियो बेनिटोले गोल गर्दै लिओनेसालाई २–१ को अग्रता दिलाए । त्यसपछि कुनै गोल हुन सकेन र लियोनेसालाई जित दिलाए । एट्लेटिकोले लगातार तीन खेलमा हार ब्यहोरेको छ ।
जितसँगै लियोनेसा अन्तिम १६ मा प्रवेश गरेको छ । एथ्लेटिको म्याड्रिड पराजित हुँदै बाहिरिएको छ ।
