काठमाडौं, माघ १
महानगरीय प्रहरी प्रभाग चुनिखेलबाट खटिएको प्रहरी टोलीले पुस २९ गते १७ः३० बजे ललितपुर गोदावरी नगरपालिका ९ जल्खु मोडबाट २ किलो ६० ग्राम गाँजा सहित पाँच जनालाई पक्राउ गरेको छ । पक्राउ पर्नेमा रुपन्देही बुटवल घर भई भक्तपुर लोकन्थली बस्ने वर्ष २० विकास कडेल, वर्ष २१ को विमल थापा, काठमाण्डौ कीर्तिपुर नगरपालिका १५ चोभार बस्ने वर्ष २३ को प्रज्वल बुढाथोकी, वर्ष २६ को अभिराज बुढाथोकी र ललितपुर महानगरपालिका १५ भैंसीपाटी बस्ने वर्ष २२ को विशाल थापा छन् ।
प्रहरीले चेकजाँच गर्दा निजहरूको साथबाट उक्त परिमाणमा लागुऔषध गाँजा बरामद गरेको हो । साथै महानगरीय प्रहरी प्रभाग नागढुंगाले पुस २९ गते १६:०० बजे नागढुंगा स्थित चेकपोष्टमा नियमित सवारी चेकिङको क्रममा बा.४१ प ९८४२ नम्बरको होन्डा मोटरसाईकललाई चेकजाँच गर्दा मोटरसाईक पछाडि सवार जिल्ला रामेछाप उपकुण्ड गाँउपालिका २ बस्ने बर्ष ३० को जिव छिरीङ शेर्पाको साथबाट लागुऔषध १ किलो १५ ग्राम चरेश बरामद गरेको छ । चरेश सहित निज जिव छिरीङ शेर्पा र सोही स्थानका मोटरसाईकल चालक बर्ष २३ को फुर्वा शेर्पा समेत पक्राउ गरेको छ । दुवै घटनामा आवश्यक अनुसन्धान भई रहेको छ ।
