काठमाडौ, पुुस २९
आइ.सि.एफ.सि. फाइनान्स लिमिटेडले आफ्नो सोह्रौं वार्षिक साधारण सभा आज मंगलबार, तदानुसार जनवरी १४, २०२० का दिन सि.एम.डि. फुडल्याण्ड, टंगाल, काठमाण्डौमा सम्पन्न गरेको छ ।
सभाबाट आर्थिक वर्ष २०७५/७६ को मुनाफाबाट चुक्ता पूँजीको ८ प्रतिसत (आठ प्रतिशत) नगद लाभांश तथा ५ प्रतिसत (पाँच प्रतिशत) बोनश शेयर दिने प्रस्ताव सर्वसम्मतबाट पारित गरेको छ । वार्षिक साधारण सभाले संस्थाको नियामावली अनुसार सर्वसाधारण समुहबाट प्रतिनिधित्व गर्ने सञ्चालक पदमा निर्विरोध निर्वाचित हुनु भएका तीन जना संचालकहरु टंकराम गौतम, अच्युतराज आचार्य र श्रीमती हेमशिखा जोशी गर्गलाई आगामी चार (४) वर्षको लागि सर्वसम्मतबाट संचालकमा चयन गरेकोे छ । साथै, आर्थिक वर्ष २०७६/७७ को लागि बा≈य लेखापरीक्षक एस.ए.आर.एसोसिएट्सलाई नियुक्त गरेको छ ।
चुक्ता पूँजी रु. ८८ करोड २१ लाख रहेको यस फाइनान्सले हालसम्म आफ्नो १८ वटा शाखा तथा १ एक्सटेन्सन काउन्टार र १७ वटा ए.टि.एम. मार्फत ७८ हजार भन्दा बढी ग्राहकलाई सेवा दिनुका साथै रु. ११ अर्व ३९ करोड निक्षेप संकलन र रु. ९ अर्व ३९ करोड कर्जा प्रवाह गरिसकेको छ ।
