रसुवा, पुस २७

गोसाईकुण्ड गाउँपालिका २ रसुवागढीबाट आमाछोदिङ्मो गाउँपालिका ४ गोल्जुङ बस्ने २२ वर्षीय कान्छा कुमार घलेलाई ७ हजार अमेरिकी डलर सहित शनिबार बिहान प्रहरीले पक्राउ गरेको छ ।

सिमा प्रहरी चौकी टिमुरे र सशस्त्र प्रहरी बल नेपाल गुल्म हे.क्वा.नं. २१ टिमुरेबाट खटिएको संयुक्त टोलीले जाँच गर्ने क्रममा नेपालबाट चीनतर्फ जान लागेका घलेलाई उक्त डलर सहित फेला पारी पक्राउ गरेको हो । यस सम्बन्धमा प्रहरीले थप अनुसन्धान गरिरहेको जानकारी दिएको छ ।